“260 milionë euro borxhe…” Gazetari Hoxhaj: Problemi më i madh i ujësjellsave

Gazetari i Ekonomisë, Julian Hoxhaj tha në “Review” në Euronews Albania se problemi kryesor i ujësjellësve në Shqipëri janë borxhet e akumuluara ndër vite.

Ai tha se vetëm vitin e kaluar shoqëria e ujësjellësit në total i ka borxh 260 milionë euro, OSHE-së, ndërsa shtoi se enden nuk e dimë se sa vendime kanë humbur këto shoqëri për largimin e padrejtë të punonjësve nga puna.

“Problemi kryesor i ujësjellësve sot janë borxhet e akumuluara prej vitesh, të cilat po i zhysin këto ndërmarrje në një grop të errët financiare. Vetëm borxhi që ndërmarrjet e ujësjellësit në total i kanë OSHE-së shkon në 260 milionë euro vitin e kaluar.

Duke shtuar edhe pjesën e borxheve që lindin për shkak të këtyre vendimeve gjyqësore, se ne flasim për këto vendime, por ministrja bashkë me drejtorin duhet të na thonë sa është numri i vendimeve që kanë humbur ndërmarrjet e ujësjellësve për largimin e padrejtë nga puna. Sa milionë euro shkon kjo faturë”,-tha gazetari.

LEXONI GJITHASHTU:

• Skandali me mikro-kreditë, prokuroria e Tiranës urdhër-arrest për 9 persona
• “Ka abuzime”- Balluku: Do kallëzoj në SPAK skemën korruptive të ujësjellësit Vlorë