Si e shohin fëmijët Shqipërinë në 109-vjetorin e pavarësisë

Të veshur me ngjyrat e flamurit e me shqiponjën dykrenare në kokë, fëmijët janë gjallëria e festave të 28-29 Nëntorit.

Ndonëse të vegjël në moshë, ata kanë disa vërejte për ne, të rriturit.

“Ndotja e ambientet nuk më pëlqen. Ne duhet ta pastrojmë ambientin ta mbajnë pastër nuk duhet të hedhim mbeturina”, u shpreh një nxënës.

“Të mos hedhim mbeturina, po kaluan makinat kanë shumë gaz dhe ndotin mjedisin”, tha një tjetër nxënës.

“Ka shumë trafik,” shtoi një nxënëse.

Në shkollën 1 Maji në Tiranë, fëmijët së bashku me mësuesit e tyre, risollën pjesë nga kultura dhe tradita shqiptare.

Samueli është në klasë të 4. Gjyshi i tij i ka mësuar t’i bjerë çiftelisë në moshën 5-vjeçare.

“Kam vallen kuq e zi, të Kukësit dhe të Tropojës, di dhe më shumë po janë këngë. Gjyshi më thoshte eja të luajmë bashkë çifteli dhe unë i thosha mirë o gjysh do të vij. Deri kur të rritem nuk do ta ndaloj”, tregoi nxënësi.

Dashurinë që kanë për Shqipërinë nxënësit zgjedhin ta tregojnë në mënyra të ndryshme.