Kryeministri i Kosovës Albin Kurti ndodhet këtë 28 nëntor në Vlorë për të kremtuar Ditën e Pavarësisë.

Përmes një reagimi në rrjete sociale, shefi i qeverisë në Prishtinë, ka ndarë pamjet gjatë ceremonisë shtetërore të ngritjes së Flamurit.

Gjithashtu Kurti ka ndarë një mesazh përbashkues, ku thekson se kjo ditë duhet të forcojë te të gjithë shqiptarët ndërgjegjen dhe krenarinë kombëtare.

Postimi i Kurtit:

28 Nëntori na bashkon.

112 vjet më parë, në Vlorë shqiptarët u bënë bashkë. Idealet, parimet dhe synimi për arritjen e pavarësisë së Shqipërisë, ishin ç’ka bashkuan mendimtarë e veprimtarë patriotë të kombit më 28 Nëntor 1912. Na lanë një trashëgimi historike e detyrë kombëtare, që atdheun ta duam, ta mbrojmë, ta përparojmë. Sot e festojmë atë ditë, me shumë herë më pak vuajtje sesa në të kaluarën. E kemi më të lehtë sot të bëhemi bashkë, e të jemi bashkë. Sepse duhet të qëndrojmë bashkë. Për sa më shumë zhvillim e demokraci, mirëqenie e prosperitet për qytetarët tanë në Kosovë e në Shqipëri.

Këtë 28 Nëntor, me presidentin Begaj, kryeministrin Rama, kryeparlamentaren Spiropali e shumë miq e personalitete, e festuam në Vlorën e Pavarësisë, në qytetin që shënoi themelimin e shtetit shqiptar.

Dita e sotme e forcon tek të gjithë shqiptarët, ndërgjegjen dhe krenarinë kombëtare.

Gëzuar Ditën e Pavarësisë, Ditën e Flamurit!

LEXONI GJITHASHTU:

• Politika uron Ditën e Pavarësisë: Rama shpërndan videon, Meta mesazh nga burgu
• Rama dhe Kurti bashkë në Vlorë, mbahet ceremonia shtetërore për Ditën e Pavarësisë