3 vjet nga akt-akuza ndaj Thaçit dhe ish-krerëve të tjerë të UÇK në Hagë

Sot bëhen 3 vite që kur Dhomat e Specializuara në Hagë bënë publike aktakuzën kundër ish-krerëve të UÇK-së Hashim Thaçit, Kadri Veselit, Rexhep Selimit dhe Jakup Krasniqit.

Veprat e pretenduara ndaj tyre kanë të bëjnë “me krime lufte, ndalimit të paligjshëm ose arbitrar, trajtimit mizor, torturës dhe vrasjes së paligjshme dhe krimet kundër njerëzimit të burgosjes, akteve të tjera çnjerëzore, torturës, vrasjes së paligjshme, zhdukjes me forcë të personave dhe përndjekjes”, të cilat sipas Dhomave të Specializuara, janë kryer midis marsit 1998 dhe shtatorit të vitit 1999.

Hashim Thaçi, Kadri Veseli, Jakup Krasniqi e Rexhep Selimi para trupit gjykues u deklaruan të pafajshëm për të gjitha pikat e aktakuzës, me të cilën i akuzon Zyra e Prokurorit të Specializuar e që lidhen me krime lufte.

LEXONI GJITHASHTU:

• Bastisjet në banesat e ish-këshilltarëve të Thaçit, reagon Prokuroria Speciale
• Rusia i kërkon Gjykatës Speciale në Hagë që ta dënojë Hashim Thaçin