“30 vjet i shkojnë nga mbrapa”, Bushati: Berisha opozitë reale, LSI parti e lëngshme

Gazetari Andi Bushati i ftuar në emisionin “Now” në Euronews Albania tha se ndaj Sali Berishës po bëhet një krim. Sipas tij, ai është opozita reale pasi prej 30 vitesh ka një shumicë njerëzish të opozitës që e ndjekin nga mbrapa.

Për këtë arsye Bushati thotë se ndaj ish-kryeministrit është duke u bërë krim, pasi strukturat qeverisëse nuk e lejuan atë të futej në zgjedhje më vete.

“Kur flas për opozitë reale, nuk e kam për LSI-në, ajo nuk ka qenë një parti e ngurtë por e lëngshme, njëherë LSI njëherë Parti e Lirisë, kur flas për opozitë reale e kam për Sali Berishën. Mua ndonjëherë më duket idiotësi se si  ca njerëz për 30 vite i shkojnë si të marrë nga mbrapa, po kush jam unë që t’i gjykojë, atij i shkojnë dhe i shkojnë në një shumicë dërrmuese.

Tani këtij njeriu që i shkojnë shumica e opozitarëve, del një regjim i Edi Ramës me një gjykatës, me një KAS, me një KQZ dhe i thonë “jo ty të duan shqiptarët, por ne nuk të duam në opozitë”, ky është krimi që po bëhet”,-tha Andi Bushati.

LEXONI GJITHASHTU:

• Ironizon Bushati: Mos u çuditni, pas 1 jave Berisha do quhet Alush Alushi
• Jonila Godole: Në PD-në zyrtare ka lindur një filiz i ri, s’duhet ta shtypim