Në harkun kohor të 1 viti në Bashkinë e Himarës janë shtuar 311 persona që kanë të drejtë vote. Shqetësimi u ngrit nga anëtarët e opozitës në komisionin rregullator dhe gjetjet e auditit i bëri me dije nënkomisionerja e KQZ-së, Lealba Pelinku.

Lealba Pelinku, nënkomisionere shtetërore e zgjedhjeve, tha se për këtë rritje të numrit të votuesve do t’i drejtohen drejtorisë së përgjithshme të gjendjes civile për të shpjeguar ndryshimin e vendbanimit të këtyre banorëve nga bashkitë e tjera në Himarë.

Po ashtu, nënkomisionerja Pelinku deklaroi zhvendosjen e 157 pjesëtarëve të të njejtit trung familjar në qendra të ndryshme votimi në bashkinë e Himarës.

Sipas listës përfundimtare 23 133 qytetarë kanë të drejtë për t’ju drejtuar kutive të votimit të dielën e 4 gushtit për të zgjedhur kryetarin e ri të bashkisë himarë.

Dy ditë më parë, kandidati i opozitës, Petro Gjikuria ka kallëzuar në SPAK kandidatin e partisë socialiste, Vangjel Tavo pasi sipas Gjikurisë, Tavo dhe familjarët e tij kanë transferuar gjendjen civile nga Dropulli në Himarë.

LEXONI GJITHASHTU:

• KQZ regjistron 11 parti politike për zgjedhjet për kryetar të Bashkisë Himarë
• Përdhunohet 20-vjeçarja në Himarë, arrestohet i riu nga Tirana