39 mln euro për PPP-të në Shëndetësi, Braçe: Po paguajmë shërbime që s’jepen

Për vitin e ardhshëm, Shëndetësia do të marrë pjesën më të madhe të parave nga buxheti, gjithsej 77 miliardë lekë ose 630 milionë euro. Me një pjesë të këtyre parave, do të mbulohen edhe për 4 koncesionet aktive, përfshi edhe kontrollin bazë ‘Check Up’, pagesat për të cilin u ngrinë gjatë pandemisë për t’u rihapur sërish në muajin shkurt 2021.

“Do të financojmë vijimin e programit të kontrollit mjekësor bazë për grup moshën 35-70 vjeç, i cili u jep mundësi mbi 475 mijë qytetarëve të përfitojnë nga ky shërbim çdo vit.

Por, deputeti Erjon Braçe kërkon që kontratat të rishikohen, pasi paratë publike po shpërdorohen për shërbime që privati nuk i garanton të plota.

“Ka ardhur momenti që për koncesionet që kemi në fushën e shëndetësisë të shikojmë efektivitetin e tyre. Nuk ka pse të paguajmë për një set me 40 instrumente dhe të përdorim vetëm dy instrumente”, tha ish-zv.kryeministri.

Në sektorin e shëndetësisë janë lidhur 4 kontrata koncesionare, 3 prej të cilëve në vitet kur ministrinë e drejtonte Ilir Beqaj. Për kompanitë private që kryejnë shërbimin, nga buxheti do të paguhet vitin e ardhshëm rreth 39 milionë euro.

LEXONI GJITHASHTU:

630 milionë euro ndahen për shëndetësinë në buxhetin 2022