4 filma shqiptarë në Spanjë. Krijimtaria e Xhanfise Keko në Muzeun “Renia Sofia”

Katër filma të regjisores shqiptare Xhanfise Keko janë përzgjedhur për tu shfaqur në Muzeun e Madritit për publikun spanjoll.

Jo vetëm i rezistuan propagandës komuniste, por vijojnë të mbeten edhe sot ndër filmat artistik më të mirë për fëmijë. Krijimtaria e regjisores së njohur Xhanfize Keko po bën jehonë përtej kufijve shqiptarë.

Në Museun Reina Sofia në Madrid organizohet këtë pranverë retrospektiva dedikuar krijimeve të saj. Janë katër filma: “Tomka dhe shokët e tij”, “Beni ecën vetë”, “Mimoza llastica” dhe “Taulanti kërkon një motër”, që do të shfaqen nga data 12 deri 29 prill 2023.

Kuruar nga Chema Gonzales, programues dhe kurator i Muzeut “Reina Sofia”, filmat e regjisores së mirënjohur shqiptare do të prezantohen për publikun spanjoll nga kritiku e regjisori britanik Mark Cousins, regjisori shqiptaro – amerikan Thomas Logoreci, producenti Genc Përmeti dhe regjisori Ilir Keko, djali i regjisores Xhanfise Keko.  

Ndalesat e radhës do të jetë në një tjetër qytet spanjoll, Santiago de Compostela.

Këto nuk janë tributet e vetme, apo eventet ndërkombëtare kushtuar regjisores Keko. Amerika, Kanadaja, Brazili, Britania e Madhe, Franca, Italia, e Gjermania, janë vetëm disa nga vendet të cilat kanë mirëpritur krijimet e regjisores Keko.  Xhanfize Keko ka drejtuar mbi 25 filma kryesisht për fëmijë midis viteve 1952 dhe 1984.

LEXONI GJITHASHTU:

• Apeli lë në burg Lefter Allën, avokati: Është rëndë, rekurs në Gjykatën e Lartë
• Veliaj vlerëson me Medaljen e Mirënjohjes boksierin Prenga: Frymëzim për të rinjtë
• Gjendet një kallash në Vlorë, dyshohet i përdorur në ngjarje kriminale