Veliaj vlerëson me Medaljen e Mirënjohjes boksierin Prenga: Frymëzim për të rinjtë

Kryetari i Bashkisë së Tiranës, Erion Veliaj priti në zyrë boksierin shqiptar, Kristian Prenga i cili u shpall kampion bote, duke fituar titullin NAB-North American Belt.

Në shenjë vlerësimi, Veliaj i dha boksierit Prenga, Medaljen e Mirënjohjes së qytetit.

“Është një kënaqësi e jashtëzakonshme sot, që një shok, vëlla, mik, Kristian Prenga kthehet në Tiranë si kampion bote! Të jam shumë mirënjohës për punën që ke bërë. Je frymëzim për djemtë e vajzat në të gjithë Shqipërinë, por edhe jashtë Shqipërisë”, tha Veliaj.

Kryebashkiaku tha se tashmë që Tirana këtë vit është dhe Qyteti Europian i Sportit, mezi pret që këtë titull boksieri ta sjellë edhe në kryeqytetin shqiptar.

“Mezi pres, këtë vit që Tirana është Qyteti Europian i Sportit, ndoshta e gjejmë një mundësi edhe kur afrojnë festat e nëntorit, të kemi një ndeshje tënden në Tiranë”, u shpreh kryebashkiaku.

Edhe vet boksieri konfirmoi se në vjeshtë ka planifikuar ndeshjen e radhës në Shqipëri.

LEXONI GJITHASHTU:

• Baçi: Të gjithë kandidatët ndihmojnë Veliajn. Çfarë do që kandidon Përnaska?
• “Në garë u futa për fitore”, Roland Bejko: Do e mund Veliajn, kam besim te qytetarët