4 këshilla për lodrat e rrezikshme nga Drejtorja e Agjencisë së Mbrojtjes së Konsumatorit

Drejtorja e Agjencisë së Mbrojtjes së Konsumatorit në Bashkinë Tiranë, Laura Deliu u shpreh për emisionin “Mirëmëngjes” në Euronews Albania se tek një lodër duhet të shikohet etiketa për të parë përbërjen e saj, se mund të jenë të rrezikshme.

Znj. Deliu nënvizoi se me rëndësi është edhe mosha, për të parë se kur mund të përdoret një lodër e caktuar.

“Mosha 0-3 vjeç është shumë delikate në zgjedhjen e një lodre sepse janë një kategori lodrash për shkak të pjesëve të vogla që përmbajnë”, tha ajo teksa shtoi se shenjat në etiketën e një lodre duhen parë me kujdes.

“Lodrat duhet të blihen në pika të sigurta, ku ka eksperiencë për shitjen e lodrave dhe duhet të zgjidhet diçka që të ndikojë një formimin e një fëmije”, tha znj Deliu.

Ajo këshilloi se prindërit duhet t’u blejnë lodra fëmijëve, të cilat nuk dëmtojnë të tjerët.