48 mijë shqiptarë u bënë shtetas të BE-së në 2024-n, të tretët në gjithë botën

48 mijë shqiptarë kanë marrë nënshtetësi në një nga vendet e Bashkimit Europian gjatë vitit 2024. Me këtë shifër, shqiptaret renditet te tretet ne bote, pas sirianeve dhe marokenëve.

48 mijë shqiptarë kanë marrë nështetësi në një nga vendet e Bashkimit Europian gjatë vitit 2024. Shifra raportohet nga Eurostat dhe i përgjigjet një valë të lartë të kërkesave të qytetarëve shqiptarë, të cilët kanë emigruar gjatë viteve të fundit me kërkesën për të ndërtuar një jetë të re në Europë.

Për krahasim, Shqipëria renditet e treta pas Sirisë dhe Marokut, ndërsa Italia është vendi që ka dhënë më shumë pasaporta për shqiptarët, me 66% të totalit, e ndjekur nga Greqia, me 22%, Gjermania 7% dhe Suedia me 2%

Eurostat deklaron se në vitin 2024, pothuajse 1.2 milionë persona fituan shtetësinë e vendit të BE-së, me rritje 12% dhe në raport me vitin 2014, kur u dhanë 762 mijë shtetësi, rritja është 55%.

Në vitin 2024, shtetasit sirianë përbënin grupin më të madh të qytetarëve të rinj të BE-së, me 110 000 shtetësi të dhëna. Shtetasit marokenë ishin grupi i dytë më i madh, me 97 100 shtetësi të dhëna, ndjekur nga shqiptarët me 48 000.