“5 mijë punëtorë nga India, Bangladeshi e Filipinet, erdhën në Kosovë”-Shahini

Agim Shahini kryetar i Aleancës Kosovare të Biznesit tha në një intervistë për “Good Morning Albanians” se vetëm vitin e fundit në Kosovë janë punësuar mbi 5 mijë punëtorë të huaj.

Ai tha se fuqia punëtore ka ardhur nga vende të ndryshme si Kina, Filipinet, Bangladeshi.

“Punëtorët e sektorit privat kanë thënë se punojnë më shumë se 8 orë dhe nuk paguhen. Në të kaluarën edhe ka ndodhur, por kohët e fundit, kur ne si aleancë e biznesit kemi kërkuar rritjen e pagave në sektorin privat, rritjen e kushteve për punëtorët dhe kemi kërkuar të kenë në konsideratë fuqinë punëtore më shumë.

Tani ka filluar të vijë fuqia punëtore edhe nga Kina dhe nga Filipinet edhe nga Bangladeshi edhe nga Turqia, aktualisht ka mbi 5 mijë punëtorë që kanë ardhur nga jashtë vetëm vitin e fundit. Shumica prej tyre sipas studimit tonë punësohen në Kosovë si tranzit”,-tha Agim Shahini.

LEXONI GJITHASHTU:

• “Në Kosovë paguhesh më mirë në ndërtim sesa unë si gazetar”-Kafexhiu: Por pse ikin
• Studimi: 150 mijë qytetarë mund të largohen nga Kosova në 2024