5 miliardë lekë në vit për Kosovën, Basha dorëzon amendamentin në Kuvend

Kryedemokrati Lulzim Basha ka dorëzuar në Kuvendin e Shqipërisë amendamentin për disa ndryshime në Buxhetin e vitit 2024, me qëllim përcaktimin e fondit prej 5 miliardë lekësh, si ndihmë për forcimin e kapaciteteve ushtarake të Kosovës.

NË relacionin përkatës të dërguar nga Basha shkruhet se kjo ndihmë bëhet e domosdoshme në kushtet e një situate të tensionuar në Kosovë, marrë shkas edhe nga sulmi terrorist i 24 shtatorit në Veri.

Po ashtu Basha bëri edhe një përmbledhje të situatës në Ballkanin Perëndimor, e cila sipas tij tregon se ndihma ushtarake për Kosovën duhet të kalojë sa më parë.

Kujtojmë se Basha e paralajmëroi amendamentin në fjalë pak ditë më parë, gjatë një komunikimi për mediat.

LEXONI GJITHASHTU:

• “Ndihmë ushtarake për Kosovën”, Basha: Të hënën dorëzojmë amendamentin në Kuvend
• “Vazhdon teatri i Ramës”, Basha: Do e shkatërrojmë skenarin e prishjes së reformës