50 euro për një qen! Fushtica: Do të krijojmë grupe për monitorimin e qytetarëve

Komuna e Prishtinës këtë javë ka nisur aksionin për largimin e qenve endacak nga rruga dhe dërgimin e tyre në strehimore të licencuar nga Agjencia e Veterinës dhe Ushqimit.

Drejtori për Siguri dhe Emergjenca, Lulzim Fushtica ka deklaruar se ky aktivitet ka si qëllim që qentë të trajtohen në mënyrë humane e të përgatiten për adoptim. Sipas tij, një person që e merr një qen do të subvencionohet me 50 euro në muaj. Duke qenë se një familje mund të adoptojë deri në 5 qen mund të shkojë 250 euro për një person ky fond.

“Do të hartojmë rregullore për trajtimin e qenve me pronar dhe pa pronar dhe po ashtu do të përgatisim kontratën për adoptim të qenve. Kontrata do të përcaktojë obligimet që do të marrë personi që do të adoptojë. Për më shumë, si pjesë e monitorimit të implementimit të kontratës do të formohen grupe inspektimi dhe nga shoqëria civile dhe nga institucionet e kryeqytetit të cilët do të bëjnë inspektime për monitorimin e kontratës,” – u shpreh Fushtica.

LEXONI GJITHASHTU:

• Prishtina jep 50€ në muaj për këdo që adopton 1 qen rruge, vendimi ngjall debat
• Historia e një mashtruesi, si qëndroi 2 vjet pa paguar asgjë në hotelin me 5 yje