500 krerë dele do bëhen kurban! Besimtari: Ua çojmë 3 mijë familjeve

Hoxha Nasuf Hoxha tregoi në emisionin GoodMorning Albanias në Euronews Albania se për 4 ditë, duke nisur nga dita e Kurban Bajramit do të bëhen kurban 500 krerë dele dhe desh, të cilat më pas do të shpërndahen për 3 mijë familje në nevojë në të gjithë Shqipërinë.

Ai tha se këshillohet që sipas mundësive çdo familje myslimane të bëjë një kurban i cili duhet të ndahet në 3 pjesë, 1 pjesë për familjen, 1 pjesë të afërmit dhe 1 pjesë për njerëzit në nevojë.

“Ato familje myslimane që kanë mundësi ekonomike, pa u vënë në siklet gjithë familja, është e këshillueshme që të bëhet një kurban për çdo familje. Ky kurban këshillohet të ndahet në 3 pjesë; një pjesë për familjen, një pjesë me kushërinjtë dhe pjesa tjetër familjeve në nevojë. Këto 4 ditë do bëjmë 500 krerë dele dhe desh që do t’i shpërndajmë në 3 mijë familje në nevojë në gjithë Shqipërinë”, tregoi ai.

LEXONI GJITHASHTU:

• “Të bëhem të dashur e solidarë” – Mesazhi i kreut të KMSH për Kurban Bajramin
• Festa e Kurban Bajramit, qindra besimtarë myslimanë falin namazin në Durrës