60-vjeçari me karrocë: 1200 € shkon paketa higjienike për një paraplegjik

Bajram Tirana, kryetari i shoqatës së invalidëve paraplegjikë, tha në një intervistë për “Good morning Albanians” në Euronews Albania se paketa higjienike për një qytetar me aftësi ndryshe shkon deri në 1200 euro.

Kjo kosto është e tepërt për një person i cili në Shqipëri as nuk mund të jetojë me dinjitet pasi nuk i plotësohen kushtet dhe ndaj ai tha se do të protestojnë.

“Protestojmë për t’ju sjellë në vëmendje të gjithë institucioneve që ne na përkasin, për të gjitha ato të drejta që ne duhet t’i përmirësojmë sepse është e vetmja mënyrë që një person me aftësi të kufizuara, një para dhe tetraplegjik të ketë mundësitë financiare, të ketë mundësi integrimi, të ketë mundësi për pavarësi në lëvizje, për pavarësi ekonomike dhe mbi të gjitha të jetojë me dinjitet,” – u shpreh Tirana.

LEXONI GJITHASHTU:

• Rrëzohet helikopteri privat ne Madrid, aftësitë e pilotit shmangin tragjedinë
• Projekti i hekurudhës shqiptare, akses edhe për personat me aftësi të kufizuara