Afati i fundit për të paraqitur kandidaturat për kryetar të Partisë Demokratike është data 7 maj, ora 12:00.
Kështu ka bërë të ditur Komisioni i Organizimit dhe Kontrollit të Operacioneve Elektorale, përmes një njoftimi për mediat këtë të martë.
Dokumentacioni do të dorëzohet pranë këtij Komisioni dhe duhet të përmbajë kërkesën me shkrim ku përfshihet shfaqja e interesit për kandidim, jetëshkrimi dhe formulari i plotësuar i pastërtisë së figurës.
Në Kuvendin Kombëtar të 30 prillit u vendos që zgjedhjet për kryetar të Partisë Demokratike të zhvillohen më 22 maj.
Në Kuvend, nuk morën pjesë 35 deputetë të cilët përbëjnë shumicën e Grupit Parlamentar. Ish-kryeministri Sali Berisha është i vetmi deri më tani që e ka shprehur kandidaturën e tij.
LEXONI GJITHASHTU
- Kryetari i ri i PD-së do të zgjidhet më 22 maj
- Berisha: Partia Demokratike rilindi në Kuvendin e 11 Dhjetorit
- Rezoluta e re e PD-së: Dënohet bojkoti dhe djegia e mandateve
