“70 fëmijë në ditë në spital”/ Pediatria në Korçë i mbushur me të vegjlit me viroza

Rritet numri i të rasteve të virozave të stinës në shërbimin pediatrik në spitalin e Korçës. Përgjegjësi i këtij shërbimi Robert Rado thotë se çdo ditë paraqiten pranë pediatrisë së Korçës më shumë se 70 fëmijë të moshave të ndryshme për të marrë mjekim spitalor.

“Numri i vizitave është 60-70 vizita në ditë të ciler paraqiten por pak shtrohen në spital. Gjithsej kemi 12 fëmijë, 9 janë në repartin e infektivit, aty ku shtrohen fëmijët me grip. Kryesisht dominon versioni gripal që qarkullon tani”-tha shefi i pediatrisë në Korçë, Robert Rado.

“Janë ato që ne i quajmë infeksione virale të cilat tek fëmijët paraqiten në shumicën e rasteve me temperaturë, mbas 5-6 ditëve ka dhënë dhe komplikacione në rrugët e frymëmarrjes, si infeksione të bajameve, veshëve, ku sipas moshave ka e bronk-opneumomi”

Mjeku i shërbimit pediatrik u kërkon prindërve që kanë fëmijë në çerdhe e shkolla të bëjnë kujdes pasi virozat e stinës janë ngjitëse, në veçanti në kjo kategori moshe.

“Gripi është sëmundje infektive. E para në qoftëse ka fëmijë të sëmurë nuk duhet ti çojnë në kopshte apo çerdhe për një periudhë kohe 5-6 ditë. Duke qenë në terren e shkollave të mbyllura, ku ka fëmijë, ekziston mundësia e transmetimit. Kemi variante të viruseve pa temperatura por e temperature të lartë.

“Kur kemi raste që vuajnë nga sëmundje të rënda aty duhet me kujdes sepse imuniteti është më i dobët dhe fiton virusi ndaj fëmijës. Duhet kujdes e duhet të përdoret terapia në përputhje me gjendjen e fëmijës”-shtoi Rado.

Fluks të shtuar gjatë ditëve të para të këtij viti ka pasur dhe në qendrat shëndetësore të lagjeve të Korçës, mjekë të cilët në jo pak raste kanë kërkuar ndihmë më të specializuar në pediatrinë e spitalit.

LEXONI GJITHASHTU: 

• “Përdori gjendjen e opozitës”, Basha konferencë për shtyp, mesazh Ramës
• Konfiskimet favorizuan ndërtuesit: I blenë katet pa leje me 200 euro/m2