70 trupa të gjetur nën rrënojat e Mariupolit

Rreth 70 trupa janë zbuluar nën rrënojat e një ish-ndërtese industriale në Mariupol, qytetin e pushtuar nga Rusia, thotë një ndihmës i kryebashkiakut të qytetit.

Trupat u gjetën nga punonjësit e urgjencës ruse dhe u dërguan në një varr masiv, tha Petro Andryushchenko në Telegram.

Ai tha se ata ishin njerëz që kishin mbetur të bllokuar në ndërtesën e shembur pasi ajo u godit nga granatimet.

“Asnjë identifikim nuk u krye, por vendasit thonë se në thelb nuk kishte asgjë për të identifikuar duke pasur parasysh gjendjen e trupave,” tha Andryushchenko.

Vetë ai, kryetari i bashkisë dhe zyrtarë të tjerë lokalë nuk janë më në qytet dhe po postojnë përditësime nga një vendndodhje ku janë të sigurt.

Të martën Andryushchenko raportoi se rreth 200 trupa të dekompozuar rëndë ishin nxjerrë nga rrënojat e një ndërtese banimi në qytet.

LEXONI GJITHASHTU:

• 20 mld $ dëme në fabrikën e çelikut, miliarderi i Ukrainës padi ndaj rusëve