8-vjeçarja me aftësi ndryshe nga Kukësi çel ekspozitën e saj të parë

13 Qershor 2023 | 16:40

Ajo është vetëm 8 vjeç, por është e talentuar në pikturë. Edhe pse me aftësi ndryshe, sërish Retina Cengu piktorja më e vogël e Kukësit, ja ka dalë të bëjë ëndrrën e saj realitet. Falë mbështetjes së prindërve, ajo ka mundur të çelë ekspozitën e saj të parë me piktura me titull “Pranvere mbi telajo” në hollin e Pallatit të Kulturës, “Hasan Prishtina”.

Një ndër mbështetësit e Retinës ishte gazetari Bujar Muçmata.

 “Tina është e veçantë. Vetëm 8 vjeç dhe ka një talent qe jo çdo kush e ka,” – u shpreh ai.

Pjesë e ekspozitës ishin edhe profesionistë të fushës të cilët vlerësuan talentin e 8-vjeçares.

 “Retina është një piktore impresioniste që pikturon shpejtë dhe atë emocion që ka e hedh shpejt në telajo,” – u shpreh piktori Muhamet Kërpaçi.

Mamaja e Retinës tregon kohën kur kuptoi talentin e vajzës së saj.

 “Talentin e Tinës e zbuluam kur ajo ishte vetëm 5 vjeç. Pikturon çdo ditë në shkollë dhe shtëpi, adhuron natyrën të cilën e shpreh në çdo pikturë të saj. Deri më sot Tina ka mbi 50 piktura ku disa prej tyre ajo i ka edhe të dhuruara në familje dhe shoqëri,” – u shpreh Gerta Cengu.

Në ekspozitë u prezantuan 50 punime të saj, pjesa më e madhe prej tyre peizazhe.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Dorëshkrimi i panjohur i Mozartit zbulohet në Francë, shtatë vepra të reja dëgjohen për herë të parë

Një zbulim i jashtëzakonshëm në botën e muzikës klasike ka sjellë në dritë një dorëshkrim të panjohur më parë të Mozartit, i cili përmban shtatë...
19:32 | 24/06/2026

INSTAT: 1,5 milionë vizitorë në institucionet e trashëgimisë kulturore gjatë 2025-ës

Sektori i kulturës ka shënuar zhvillime pozitive gjatë vitit 2025, duke reflektuar rritje të pjesëmarrjes së publikut në aktivitete artistike. Të dhënat e publikuara nga...
17:53 | 24/06/2026

Festivali Kombëtar i Sazeve rikthen tingujt e traditës në Kolonjë

Për dy netë me radhë, në Leskovik dhe Ersekë është mbajtur Festivali Kombëtar i Sazeve, ku grupe folklorike nga gjithë Shqipëria performuan këngët dhe vallet...
20:51 | 23/06/2026