“80% e kolegëve, të divorcuar” Mjeku: Shokun tim e la gruaja për trajnerin e sportit

Një studim i fundit ka treguar se një nga profesionet të cilat ka dhe numrin më të lartë të divorceve është ai i mjekut.

I ftuar në emsionin Goodmorning Albania, neurokirurgu shqiptar në Spanjë Kita Sallabanda, konfirmoi këtë studim duke thënë se 80% e kolegëve të tij në spitalin ku punon në Spanjë janë divorcuar. Madje ai solli si shembull dhe rastin e një kolegu të cilin e la gruaja pasi u dashurua me trajnerin e fiskulturës.

“Unë bëra specializimin e neurokirurgjisë në Barcelonë, dhe në shërbimin e neurokirurgjisë ku unë punoja, 80% e neurokirurgëve ishin të divorcuar ose u divorcuan pas martesës dhe u martuan me njerëz të tjerë. Dikush me një infermiere, dikush me një mjeke dhe disa të tjerë me persona jashtë profesionit.

Ishte dhe rasti i një kolegut tim të cilin e la e shoqja dhe u martua me trajnerin që bënte fiskulturë.

Ndodh që mjekët të dashurohen dhe me pacientet, por janë raste më të shkëputura pasi nuk të lejon etika profesionale”, tha ai.

Sa i përket çelsit të suksesit të martesës së tij mjeku tha se mund të jetë për shkak të faktit se ai dhe bashkëshortja janë të dy mjekë.

Një nga faktorët kyç të divorceve të larta të mjekëve në botë, ndoshta është angazhimi i madh i kohës që ata shpenzojnë në punë, duke lënë pas dore familjen.

LEXONI GJITHASHTU:

• “Lidhjet e hapura, trend”- Balerina: Artistët mund të kenë 2-3 partnerë
• Nga mjekët te ushtarakët, profesionet që tradhtojnë më shumë