81 lekë vlera e një vote, PL merr “paratë e Berishës”, PS pjesën e “luanit”

Në mbledhjen e kësaj të enjte, Komisioneri Shtetëror i Zgjedhjeve miratoi vlerën e një vote. Ajo është 81 lekë dhe mundëson që të përllogaritet mbështetja financiare që do të marrin partite politike për procesin e ardhshëm elektoral.

Përllogaritja e vlerës së një vote bëhet duke pjesëtuar fondin e përgjithshëm të miratuar me numrin në total të votave të vlefshme të grumbulluara nga partitë politike pjesëmarrëse në zgjedhje, që kanë marrë jo më pak se 1 përqind të votave.

E duke u bazuar në rezultatet e marra në këto zgjedhje, shuma më e madhe e fondit që do të shpërndahet për partitë politikë do i takojë Partisë Socialiste, si fituesja absolute në procesin e 14 majit. Me 579 mijë votat e marra në zgjedhjet lokale të 14 majit, Partisë Socialiste do i takojë të marrë afro gjysmën e fondit për zgjedhjet e ardhshme.

Ndërkohë diskutimi për paratë që marrin partitë opozitare është i ndryshëm. Partia Demokratike zyrtare, për herë të parë në 30 vite nuk do të jetë një nga dy përfitueset më të mëdha të buxhetit shtetëror që jepet partitë, pasi me 103 mijë votat e marra në 14 maj do e rendisin të tretën.

Ndërkohë e dyta për fondin e përfituar renditet Partia e Lirisë, e cila ishte subjekti kryesor i koalicionit “Bashkë Fitojmë”. E katërta në këtë renditje është PSD-ja e Tom Doshit, që në zgjedhjet e fundit vendore mori 86 mijë vota.

LEXONI GJITHASHTU:

• Shtyhet seanca për ndryshimet kushtetuese në RMV, s’u arritën 2/3-at e votave
• Ndryshimet kushtetuese në RMV/ Gashi: Nëse nuk janë 80 vota të shkojmë në zgjedhje