ARRSH nuk merr masat e nevojshme për të parandaluar aksidentet, sipas ekspertit

Islam Qibini, ekspert i sigurisë rrugore tha në Euronews Albania se pjesa më e madhe e aksidenteve ndodhin sepse Autoriteti Rrugor Shqiptar nuk ka marrë masat e nevojshme për parandalimin e tyre.

Ai solli në vëmendje dy segmente rrugore problematike, siç janë Fushë Krujë – Mamurras dhe Kavajë – Durrës që mbledhin pellgje uji për shkak se nuk kanë kanalizimet e nevojshme dhe rrjedhimisht janë burim aksidenti.

“Fillimisht bëhet monitorimi i segmenteve rrugore nga Policia Rrugore e cila do të kryejë shërbimet dhe do të njoftojë ARRSH-në. Duhet të vendosen tabela të përkohshme me qëllim që drejtuesit e mjeteve të sinjalizohen dhe të marrin informacionin e duhur për situatën që kanë përpara,” – u shpreh ai.

Eksperti rrugor ishte i mendimit se janë pikërisht problematikat në rrugë që sjellin dhe shumicën e aksidenteve, kryesisht kur ndërthuren me motin e keq.

LEXONI GJITHASHTU: 

• Aksidentet, në rreth 60% të rasteve shkak bëhen këmbësorët
• Aksidentet rrugore vrasin 144 njerëz në tetë muaj
• 151 viktima nga aksidentet rrugore në 9 muaj