Qytetarët tregojnë pasojat e infektimit me COVID-19

COVID-19 nuk është vetëm një emergjencë shëndetësore në momentin e infektimit. Është një sëmundje që po lë pasoja afatgjata tek pacientët që prek më rëndë.

Probleme me kujtesën dhe lodhje e vazhdueshme janë këto shenjat që la pas COVID-19 në organizmin e 71-vjeçarit, Rexhep Ndreu.

Edhe pse ka 11 muaj që e ka kaluar sëmundjen, sërish pasojat ndjehen.

“Kam momente që kam probleme me kujtesën, lodhje të përgjithshme”, u shpreh ai.

Që prej momentit të infektimit, i moshuari vijon kontrollet rregullisht për të mbajtur të normalizuara parametrat  shëndetësore

“I bëj analizat rregullisht për të parë se në çfarë gjendje jam pas COVID-19”, tha ai.

Kujdesi nga ana e tij nuk mungon në asnjë moment, pasi i trembet një ri-infektimi.

“Maska e përdor gjithmonë. Nëse infektohem prapë është e frikshme për jetën”, u shpreh i moshuari.

Disa qytetarë që e kanë kaluar COVID- 19, na tregojnë mbi pasojat që ka lënë ky virus në shëndetin e tyre.

“Më duket sikur më ka prekur pak nga ana e kujtesës”, tha një tjetër qytetar.

“Më ka ngelur ajo lodhja e trupit”, u shpreh një vajzë e re.

Pasojat në shëndetin e popullsisë, do të jenë emergjenca e dytë botërore pasi ky virus të largohet.

LEXONI GJITHASHTU:

• Mjeku psikiatër: Fëmijët e tregojnë ankthin nëpërmjet sjelljes
• COVID mund të ngadalësojë zhvillimin e trupit tek fëmijët, thotë mjekja