Helmimi masiv në Krujë, pezullohen nga detyra tre zyrtarë

Prokuroria e Krujës ka marrë në hetim tre persona për helmimin masiv të ndodhur pak ditë më parë. Bëhet fjalë për drejtorin e Ujësjellësit dhe drejtuesin teknik të këtij institucioni publik.

Ledio Çela, administrator i Ujësjellësit, Andi Kupa, drejtues teknik në këtë ndërmarrje dhe Ervin Karafili, shef i shërbimit të Epidemiologjisë dhe Higjienës në Njësinë Vendore të Kujdesit Shëndetësor Krujës.

Prokuroria dyshon se këta persona janë përgjegjës për “shpërdorim detyre” pasi me veprimet dhe mosveprimet e tyre kanë lejuar ndotjen e ujit të pijshëm në qytetin e Krujës.

Gjykata e Krujës ka vendosur pezullimin nga detyra për të të akuzuarit ndërsa hetimet për të përcaktuar shkakun e ndotjes së ujit dhe persona të tjerë përgjegjës ende vazhdojnë.

Mbi 500 persona u helmuan nga uji më 26 tetor në Krujë ku Instituti i Shëndetit Publik bëri me dije se shkak ishte ndotja e ujit oasi kishte prani të bakterit enterokok.

LEXONI GJITHASHTU:

Helmimi i 600 personave në Krujë, ISHP: Epidemi hidrike, ujësjellësi nuk veproi në kohë

Të paktën 370 persona të helmuar në Krujë, shkak kontaminimi i ujit

Protestë për helmimin nga uji, qytetarët e Krujës ankohen për cilësinë e ujësjellësit të ri