Arrestohet një person për grabitjen dhe dhunimin e biznesmenit në Fushë-Krujë

Policia ka arrestuar një person për grabitjen dhe dhunimin e biznesmenit Nazmi Çangu në Nikël të Fushë-Krujës.

Në prangat e policisë ka rënë Saimir Kuçi, ndërkohë janë shpallur në kërkim 7 persona, mes të cilëve Artan Kurti (Lleshi), i cili dyshohet si kreu i grupit kriminal.

Vila e biznesmenit Nazmi Çangu në Nikël të Fushë-Krujës u grabit mbrëmjen e 24 tetorit nga persona të maskuar dhe armatosur rëndë.

Grabitësit mbyllën në një nga dhomat e banesës gruan dhe fëmijët e biznesmenit dhe më pas e torturuan atë me qëllim që t’i tregonte çelësin e kasafortës.

Pas 3 orësh dhunë dhe terror, 10 grabitësit mundën të merrnin para kesh dhe florinj, që arrijnë vlerën e mbi 100 mijë eurove.

LEXONI GJITHASHTU:

• Torturohet biznesmeni, 10 persona të armatosur i grabisin 100 mijë euro