Trafiku i drogës dhe borxhet, pistat kryesore të vrasjes së biznesmenit në Dajt

“Arrest me burg” kërkon Prokuroria e Tiranës për Fredi Rrushin dhe vëllain e tij të akuzuar për vrasjen dhe rrëmbimin e biznesmenit Ruzhdi Hoxha.

Sipas organit të akuzës Fredi Rrushi është personi i cili e ka rrëmbyet dhe vrarë biznesmenin e inerteve, ndërsa i vëllai i tij Pajtim Rrushi është personi që e ndihmoi ta hidhnin trupin e pajetë në zonën e Qaf Mollës.

Gazetari Merin Maçi raporton se pistat kryesore të hetimeve janë trafiku i drogës dhe borxhet. Ndërkohë është zbuluar edhe një parcelë me kanabis në pronësi të Fredi Rrushit.

Ruzhdi Hoxha rezultonte i zhdukur që prej 24 tetorit. Ishte djali i tij ai që referoi rastin në komisariatin numër 5 dhe më pas denoncimi kaloi në Policinë e Tiranës. Trupi i tij i pajetë u gjet i mbuluar me zhavorr në zonën e Dajtit në datën 6 nëntor.

Autori kryesor i ngjarjes, Fredi Rrushi rezulton një person me precedent në skedarët e policisë pasi edhe në të kaluarën ka qenë i përfshirë në dy plagosje më armë.

LEXONI GJITHASHTU:

• Zbulohen detaje të reja për vrasja e biznesmenit në Dajt
• Gjendet në zonën e Dajtit trupi i pajetë i biznesmenit Ruzhdi Hoxha
• Zhduket biznesmeni në Tiranë, hetim për rrëmbim ose pengmarrje