Shqipëria kërkon tri pikët në përballjen e sotme me Anglinë, Reja beson te mrekullia

Shqipëria do të luajë sot në mbrëmje sfidën e parafundit kualifikuese të eliminatoreve për botërorin “Katar 2022” ndaj Anglisë.

Ndeshja do të zhvillohet në stadiumin e “Wembley” dhe do të nisë në orën 20:45.

Kombëtarja shqiptare zhvilloi dje në Londër stërvitjen e fundit, ndërsa pas kësaj seance stërvitore trajneri Reja ka shuar dilemat e fundit për titullarët që do të zbresin në fushë.

Edhe pse kishte disa dilema për formacionin, tekniku italian ka vendosur t’i besojë Veselit në vend të Gjimshitit që mungon.

Nga krahët do të luajë Trashi dhe Hysaj, në mesfushë Bare, Gjasula dhe Bajrami, ndërsa në sulm Cikalleshi do të luajë përkrah Uzunit.

Broja që ka probleme me kaviljen do të jetë në stol dhe mund të aktivizohet në pjesën e dytë.