Arrestohen 3 persona në Tiranë, sekuestrohen mbi 20 mijë euro dhe kokainë

Policia e Tiranës ka arrestuar 3 persona dhe janë nën hetim 14 të tjerë për ushtrim të paligjshëm të lojërave të fatit.

Në prangat e policisë ranë: A. M, 45 vjeç, V. M, 40 vjeç dhe G. K, 45 vjeç.

Gjatë operacionit “Fati i Lojërave” janë sekuestruar 21.900 euro dhe 90.800 lekë të rinj, lëndë narkotike kokainë, dy tavolina pokeri, katër valixhe me çipsa dhe dy aparate celular.

Sipas policisë, të arrestuesit në rrugën “Konferenca e Pezës”, në katin e dytë të një pallati, ushtronin veprimtarinëe kundërligjshme të lojërave të fatit, ku konsumohej edhe lëndë narkotike.

Materialet hetimore i kaluan Prokurorisë pranë Gjykatës së Shkallës së Parë Tiranë, për veprime të mëtejshme proceduriale.