Edlira Gjoni: Berisha ka marrë peng Shqipërinë, fajtor bashkë me Bashën për ndarjen e PD-së

Sali Berisha e ka kryer një herë e mirë funksionin e tij politik që kur dha dorëheqjen në vitin 2013, pas humbjes së zgjedhjeve përballë Edi Ramës. Kështu u shpreh në emisionin “Now” ekspertja e komunikimit Edlira Gjoni.

“Ata që kanë pasur për ta ndjekur duhet të ishin si ai dhe të udhëhiqnin foltoret”, tha znj. Gjoni.

Znj. Gjoni tha se me foltoren e tij, Sali Berisha ka marrë peng demokratët të cilët duan që PD të kthehet në pushtet si edhe krejt Shqipërinë.

“Për mua Sali Berisha ka marrë peng Shqipërinë”, theksoi ajo.

Edlira Gjoni tha se qeveria ka shumë probleme momentalisht me udhëheqjen e vendit, mirëpo e gjithë vëmendja është përqendruar te debati brenda PD-së.

Për këtë, znj. Gjoni quan fajtorë Sali Berishën dhe Lulzim Bashën, të cilët “po e ndihmojnë Edi Ramën të hedhë vallen e tij me hallet e Shqipërisë”.

Basha dhe Berisha janë njësoj fajtorë për ndarjen e PD-së, por edhe për faktin që Edi Rama del politikani më i rregullt në sy të botës, sipas ekspertes.

LEXONI GJITHASHTU:

• Kadilli: Berisha dhe Basha po e shqyejnë pa mëshirë PD për të marrë secili llokmën e tij