Trazohet opozita në RMV, ‘Aleanca për shqiptarët’ del nga koalicioni me ‘Alternativën’

Marrëveshja me Lidhjen Social-Demokrate për të mbajtur në këmbë qeverinë Zaev i ka kushtuar partisë ‘Alternativa’ prishjen me partnerin tjetër, akoma opozitar ‘Aleanca për shqiptarët’.

Të dyja partitë shqiptare kishin një marrëveshje të përbashkët me të cilën u futën në zgjedhjet lokale dhe që parashikonte të vazhdohej deri në zgjedhjet e ardhshme parlamentare.

Në një konferencë për shtyp, përfaqësues të ‘Aleanca për shqiptarët’ konfirmuan prishjen e grupit të përbashkët parlamentar me ‘Alternativën’ dhe daljen në një grup parlamentar më vete.

Një ditë më parë, kuvendi i përgjithshëm i partisë shqiptare ‘Alternativa’, me shumicë votash vendosi që të dalë nga kampi opozitar dhe t’i bashkohet mazhorancës.

Pas takimeve të shumta mes kryeministrit në detyrë Zoran Zaev dhe kryetarit, Afrim Gashi, u firmos edhe marrëveshja e bashkëpunimit e Alternativës me Lidhjen Social Demokrate, duke e çuar mazhorancën parlamentare në 64 deputetë, si dhe duke e shpëtuar vendin nga zgjedhjet e parakohshme