Lulet e egra rreth paneleve diellore, shtëpi për bletët

Fermat diellore mund të bëhen strehë për bletët dhe pjalmuesit e tjerë nëse do të bëheshin disa ndryshime të thjeshta, sugjeron një studim i ri.

Fushat me panele diellore mbase nuk duken si vendi më i përshtatshëm për rritjen e bletëve, por nëse këto fusha menaxhohen si livadhe, mund të mbajnë katër herë më shumë bletë se livadhet e zakonshme.

Pjalmuesit janë në rënie drastike në të gjithë Evropën, numri i tyre ka rënë me 17 për qind që nga fillimi i shekullit të njëzetë.

Studiuesja Hollie Blaydes tha se fushat me panele diellore ku mbillen dhe lulëzojnë lehtësisht lule të egra, mund të përdoren si mjet për të ruajtur dhe mbështetur popullatat e pjalmuesve.

Panels ft. pollinators… 🐝🦋 July solar park surveys are almost complete! pic.twitter.com/qspwa6d3Bs

— Hollie Blaydes (@HollieBlaydes) July 23, 2021

Duke simuluar modele të ndryshme të kërkimit të ushqimit të grerëzave, studiuesit zbuluan se parqet diellore të pasura me burime mund të rrisin densitetin e bletëve deri në 1 km jashtë vetë parqeve.

Kjo do të sillte shërbime pjalmuese për të korrat në tokën bujqësore përreth, nga të cilat vendasit mund të përfitonin më tej duke mbjellë bimë të varura nga pjalmuesit si borziloku dhe kunguj të njomë.

LEXONI GJITHASHTU:

• Bletërritësit në Britani ankohen që nuk mund të importojnë më bletë nga vendet e ngrohta
• Konkurrenca për lulen e gështenjës përplas bletërritësit në Pogradec
• Zjarret rrezikojnë biodiversitetin, thirrje për të shpëtuar bletët në Sardenjë