Krijimi me motive virusi, skulptori Koko kthen sprovën e vështirë në një vepër arti

Bota e artit i ka mbyllur dyert sapo pandemia Covid-19 trokiti. Megjithatë shumë artistë e kanë zhvendosur punën e tyre nga galeritë dhe ekspozitat në në studiot personale.

Duke punuar mermerin në brendësinë e studios së tij, ndodhet skulptorin Emauel Koko, i cili nuk ka ndalur punën as në këto ditë jo shumë të zakonta. Veprimtarinë skulptori jo vetëm që nuk e ka ndërprerë por është në mes të disa krijimeve.

Në studion e tij gjenden shume figura historike por edhe vepra arti personale. Rrethanat e izolimit por edhe gjithë kujdesi që duhet treguar e kanë frymëzuar për një punim të veccantë.

“Jam për përpjekur të trajtoj 2-3 forma që i përshtaten virusit përmes artit figurative që të padukshme e bën të dukshme”, shprehet skulptori.

Skulptori Koko përveç ushtrimit të profesionit si skulptor jep mësim në lëndën e gdhendjes në liceun artistik. Gjatë këtyre ditëve komunikon online e nxënësit e tij, që ata të mos humbasin tërësisht lidhjen me shkollën. 

Skulptori shpreson që kjo sprovë e shoqërisë të kalojë shpejt, teksa nuk fsheh mendimin për të ekspozuar një pjesë të punës së tij sapo galeritë të çelen.