Gruaja vdiq nga i ftohti në Fier, a duhet riparë ndihma ekonomike?

Një grua ka humbur jetën nga i ftohti në Fier. Djali i saj, akuzon se OSHEE ia ndërpreu dritat pa të drejtë.

A do ishte zgjidhje ndihma ekonomike nga shteti në këtë rast?

Në emisionin RinOn, Ish-ministrja e Financave, Anila Denaj tha se në koncept fondet për ndihmën ekonomike janë, por duhet që skema të funksionojë më mirë.

“Skema ka pasur raste abuzive, por jemi përpjekur ta saktësojmë”, theksoi ajo.

Nga ana tjetër, zv. kryetarja e PD Tabaku tha se rasti i të ndjerës në Fier ishte tragjik.

Ajo problemin e sheh te rritja e çmimit të energjisë, 7 vite më parë.

“Rritja eçmimit të energjisë dëmtpoi 74% të familjeve, kjo shoqëruar me një rritje të përgjithshme të çmimeve, i bukës, i ushqimeve”, tha Tabaku.

Ajo tha se Shqipëria e përjeton më keq se shtetet e tjera me ekonomi të konsoliduar rritjen e çmimeve.