Hetimi për tenderin 1,5 milionë euro të ushqimeve, SPAK sekuestron procedurën e ndjekur nga Ministria e Mbrojtjes

Prokuroria e Posaçme Antikorrupsion ka sekuestruar nga Ministria e Mbrojtjes procedurën e ndjekur në tenderin 1.5 milionë euro për ushqimet për familjet në nevojë.

Ndërkohë që një ditë me parë u morën në pyetje tre anëtarë të komisionit të vlerësimit të ofertave në këtë tender.

SPAK nisi hetimet pas kallëzimit të bërë nga Partia Demokratike, ku mes të kallëzuarve ishte edhe ministrja e Mbrojtjes, Olta Xhaçka. 

Pak ditë më parë SPAK konfirmoi për Euronews Albania se po bëhen hetime intensive për prokurimet e drejtpërdrejta të zhvilluara nga Ministria e Mbrojtjes për shkak të gjendjes së emergjencës.

Për tenderët e këtij dikasteri prokuroria ka regjistruar një procedim për akuzat e korrupsionit dhe shkeljes së barazisë në tenderin 1,5 milion eurosh i përdorur për blerjen e ushqimeve për familjet në nevojë.

Partia Demokratike kallëzoi në SPAK ministren Olta Xhaçka dhe zyrtarë tjerë , duke argumentuar se fituesi i tenderit ishte paracaktuar. 

Mund të lexoni gjithashtu:

PD: Kontrolli i Lartë i Shtetit ende asgjë për 17 tenderat abuzivë të qeverisë

PD-ja i kërkon Kontrollit të Lartë të Shtetit që të hetojë 17 tendera të qeverisë Rama