Meta mbledh sot Këshillin e Sigurisë Kombëtare për tensionet në Ukrainë

Presidenti Ilir Meta mbledh sot në orën 16:00 Këshillin e Sigurisë Kombëtare për tensionet në Ukrainë.

Në këtë mbledhje nuk do të jenë të pranishëm fizikisht kryeministri Edi Rama dhe ministrja e Jashtme Olta Xhaçka pasi ndodhen në SHBA.

Në këtë tryezë pritet të jenë të pranishëm kryetari i Kuvendit dhe 7 ministra, i Mbrojtjes, Drejtësisë, Punëve të Brendshme, Financave, Transportit, Punëve të Jashtme dhe Energjisë.

Pak më herët Ministria e Jashtme njoftoi se Shqipëria mbështet dhe integritetin territorial të Ukrainës.

“Ne ripërtërijmë thirrjen tonë që Rusia të de-përshkallëzojë dhe të zgjidhë situatën në mënyrë diplomatike”, thuhej në njoftimin e ministrisë.

Ndërkohë vijojnë tensionet me Ukrainës dhe Rusisë.

SHBA dhe vendet perëndimore kanë paralajmëruar se Rusia do të sulmojë Ukrainën. Nga autoritetet ruse e mohojnë këtë deklaratë, por kërkojnë mos-përfshirjen e Ukrainës në NATO. 100.000 trupa ruse ndodhen në gatishmëri në kufirin me Ukrainën.