350 medalje, familja e karatesë në Elbasan që i kushton jetën sportit

Duke u stërvitur, kështu nis mëngjesi në fundjavë për familjen Backa nga Elbasani. Të gjithë janë të angazhuar në sportin e karatesë, duke filluar nga Mirandi, bashkëshortja e tij dhe 4 fëmijët, më e vogla, Amira vetëm 5 vjeç.

Ndonëse këtë herë nëna e tyre e kishte të pamundur t’i bashkohej stërvitjes, fëmijët vijuan me axhendën e tyre të përhershme.

“Ky ka qenë një plan i imi që në kohën kur isha i ri. Më pas mendova që po vlente tek vetja ime, të njëjtën gjë ta mundësoja edhe fëmijëve të mi”, tregon Mirandi.

Stërvitja e tyre është e përditshme, 6 herë në javë, dhe secila ditë është e mbushur me ushtrime nga më të ndryshmet.

Ata e nisin stërvitjen me një përshëndetje në japonisht. Uniforma është e njëjtë, por rripi në brez ndryshon. Mirandi na tregon domethënien.

“Ngjyra e bardhë është e paqes, ne e bëjmë këtë sport për vetëmbrojtje jo për të sulmuar”, tregon ai.

Ky sport, jo vetëm që i mban në formë, por i sjell dhe përfitime të tjera.

“Karateja në ka ndihmuar shumë. Karateja ka ndikuar edhe në sjellën time, disiplina, vetëmbrojta, besimi në vetvete”, tha një nga vajzat.

Kjo familje numëron mbi 350 medalje, në gara brenda dhe jashtë vendit. Mirandi na thotë se nuk ka pasur mbështetje mjaftueshëm nga shteti.