Kthesa e madhe, Gjermania dërgon mijëra armë në Ukrainë

Gjermania do të dërgojë në Ukrainë 1 mijë armë kundërtank dhe 500 raketahedhëse, ka bërë të ditur kancelar, Olaf Scholz këtë të shtunë.

Vendimi është një kthesë e politikave të ndjekura deri tani nga Gjermania për eksportin e armëve.

Gjermania prej muajsh është vënë në qendër të kritikave për përgjigjen e saj ndaj agresionit rus në Ukrainë.

Berlini deri tani mbante qëndrim kundër dërgimit të armëve në zonat e konfliktit duke bllokuar kështu transferimin e armatimeve të prodhuara anë Gjermani nga vendet anëtare të NATO-s drejt Ukrainës.

“Sulmi i Rusisë shënon një pikë kthese. Është detyra e jona që të bëjmë më të mirën për të ndihmuar Ukrainën që të mbrohet nga pushtimi i ushtrisë së Putinit”, deklaroi Scholz.

Der russische Überfall markiert eine Zeitenwende. Es ist unsere Pflicht, die Ukraine nach Kräften zu unterstützen bei der Verteidigung gegen die Invasionsarmee von #Putin. Deshalb liefern wir 1000 Panzerabwehrwaffen und 500 Stinger-Raketen an unsere Freunde in der #Ukraine.

— Bundeskanzler Olaf Scholz (@Bundeskanzler) February 26, 2022

Gjermania gjithashtu i ka dhënë leje Holandës që të transferojë 400 granatahedhëse në ndihmë të Ukrainës.

Gjermania është ekonomia më e madhe dhe vendi më i fuqishëm i BE-së. Berlini është i varur nga gazi rus dhe vazhdimisht kjo ka qenë një pengesë në diskutimet për sanksionet ndaj Rusisë.

Presioni i madh, përshirë atë të zyrtarëve të Ukrainës, duket se ka bërë që Gjermania të tërhiqet.

LEXONI GJITHASHTU:

• Gjermania heq bllokadën, lejon dërgimin e armëve në Ukrainë
• Pse Gjermania nuk dërgon armatime në Ukrainë?