SHBA sanksionon 19 oligarkë të tjerë rusë

Shtetet e Bashkuara kanë ndërmarrë një sërë masash të reja financiare kundër dhjetëra oligarkëve rusë.

Ndër emrat e njohur të cilët do të përjashtohen nga sistemi financiar amerikan janë zëdhënësi i Kremlinit Dmitry Peskov dhe presidenti kompanisë së hidrokarbureve Nikolai Tokarev, të dy persona shumë të afërt të presidentit Vladimir Putin.

Ndërsa, asetet e tyre në Amerikë do të ngrihen.

19 oligarkë të tjerë, bashkë me 47 familjarë të tyre, do iu ndalohet hyrja në Shtetet e Bashkuara.

Shtëpia e Bardhë njoftoi se pjesë e sanksioneve do të jenë edhe 7 ente ruse dhe 26 individë të përfshirë në “përhapjen e lajmeve të rreme të cilat justifikojnë në mënyrë të rreme aktivitetet e Kremlinit”.

Në fjalën e tij mbi gjendjen e kombit , presidenti amerikan, Joe Biden tha se sanksionet kundër homologut të tij rus, Vladimir Putin, do të shërbejnë për ta bërë të paguajë për veprimet e tij.

“Përgjatë historisë kemi mësuar se nëse diktatorët nuk paguajnë për agresionet e tyre, ata vazhdojnë te bëjnë më keq”, tha Biden.

Biden njoftoi se departamenti amerikan i drejtësisë ka ngritur një task-forcë për të hetuar aktivitetet kriminale të oligarkëve rusë.

LEXONI GJITHASHTU:

• Përditësime LIVE 3 mars: Përmbyllet raundi i dytë pa marrëveshje përfundimtare