Ukrainasit në kufijtë e Evropës, pritet shtim i largimeve

Rreth një milionë ukrainas janë larguar  në vetëm shtatë ditë nga shtëpitë e tyre, në kërkim të një strehe për të shpëtuar nga sulmet ruse.  

Komisioneri i lartë i OKB-së për Emigrantët, Flippo Grandi shprehet se në 40 vite përvojë nuk e kishte parë një eksod të tillë, kaq të shpejtë.

Grandi paralajmëron se vërshimet e refugjatëve vijojnë çdo minutë  dhe miliona të tjerë do të detyrohen të largohen derisa lufta të mbarojë.  Pjesa më e madhe e të larguarve janë fëmijë dhe gra, shumë prej djemve dhe burrave pasi kalojnë në kufi familjet e tyre vendosin të rikthehen për të ndihmuar në mbrojtjen e vendit.

Polonia është duke pritur numrin më të lartë të refugjatëve deri më tani 574 mijë ukrainas ndodhen në këtë shtet i cili ndodhet në kufi.

Rreth 80 mijë refugjatë kanë shkuar në Sllovaki, Hungaria po mirëpret 130 mijë qytetarë, një numër i lartë refugjatësh janë drejtuar në Rumani dhe Moldavi gjithashtu.

Të tjera shtete evropiane, Italia, Greqia janë duke strehuar me mijëra refugjatë.

LEXONI GJITHASHTU:

• Ekskluzive l 30 shqiptarë po i bashkohen luftës në Ukrainë, thotë komandanti