“S’kam humbur asnjë palë zgjedhje”, Bejko: Basha dje bëri një gabim fatal

Me deklaratën e djeshme pas rezultateve të zgjedhjeve të pjesshme vendore, Basha ka bërë një gabim fatal. Kështu u shpreh në emisionin “Sot” Roland Bejko, Sekretar për Decentralizimin dhe Pushtetin Vendor në PD.

“Ka qenë deklaratë fatale. Të thuash që unë nuk kam humbur asnjë palë zgjedhje është fyerje inteligjence, nuk mund të jesh kaq i ftohtë”, tha Bejko.

Sa i takon rezultatit të zgjedhjeve, ai tha se priste që PD të dilte në rastin më të keq një forcë e dytë.

“Mendoja që pjesa e heshtur do afrohej te Basha, pasi ai u shkëput nga Berisha, si një ofertë e re.  Unë nga kontaktet që kam pasur me elektoratin e PD kam kuptuar që Basha nuk e riformuloi dot veten. Shumë demokratë nuk votuan”, përfundoi Bejko.