Rreth 1 300 civilë janë vrarë në Mariupol që nga fillimi i pushtimit rus

Dy zyrtarë në qytetin e pushtuar të Mariupolit në Ukrainën jugore thonë se rreth 1 300 civilë atje janë vrarë që nga fillimi i pushtimit rus.

Qyteti u bombardua fillimisht në ditët e para të konfliktit dhe ka qenë i rrethuar për gati një javë.

“Rreth 1 300 banorë të Mariupolit kanë vdekur tashmë gjatë gjenocidit të bllokadës së Federatës Ruse”, tha Petr Andryushchenko, një këshilltar i kryetarit të bashkisë së Mariupolit, për agjencinë ukrainase UNIAN.

“Ne do të luftojmë për të gjithë”, shtoi ai.

Më herët të mërkurën, nënkryetari i bashkisë së Mariupolit, Sergei Orlov, tha për CNN se të paktën 1 207 viktima ishin konfirmuar deri të martën.