Britania e Madhe ngrin pasuritë e Abramoviç, përfshirë klubin e Chealsea

Qeveria e Britanisë së Madhe ka sanksionuar oligarkun rus Roman Abramoviç, duke ngrirë pasuritë e tij, përfshirë klubin anglez të futbollit në Premier League, Chelsea.

Abramoviç, i cili ka në pronësi Chelsean që nga viti 2003, njoftoi javën e kaluar se po e shiste klubin, por sanksionet tani vënë në dyshim shitjen dhe të ardhmen e afërt të skuadrës së Premier League, raporton CNN.

“Për të siguruar që klubi mund të vazhdojë të konkurrojë dhe të funksionojë, ne po lëshojmë një licencë të veçantë që do të lejojë që të përmbushen ndeshjet, të paguhet stafi dhe personat që tashmë kanë blerë biletat të ndjekin ndeshjet. Dhe më e rëndësishmja, Abramoviç do të privohet nga përfitimi për pronësinë e tij mbi klubin”, tha sekretarja e Kulturës në Mbretërinë e Bashkuar, Nadine Dorries në një postim në Twitter.

1/ 4🧵Putin’s attack on Ukraine continues & we are witnessing new levels of evil by the hour. Today the Government has announced further sanctions against individuals linked to the Russian Government. This list includes Roman Abramovich, the owner of Chelsea Football Club.

— Nadine Dorries (@NadineDorries) March 10, 2022

Abramoviç dhe aleati i Putinit, Igor Sechin, janë midis shtatë oligarkëve dhe politikanëve që do të shtohen në listën e sanksioneve të Mbretërisë së Bashkuar.

Sanksionet vlerësohet të jenë rreth 20 miliardë dollarë (15 miliardë paund), tha qeveria e Mbretërisë së Bashkuar.

LEXONI GJITHASHTU:

• Roman Abramoviç nxjerr Çelsin në shitje
• Ukraina i kërkon Abramoviç të ndihmojë bisedimet për paqe