Klubi Chelsea i përgjigjet sanksioneve ndaj Abramovich

Klubi Futbollit Chelsea ka mbajtur një qëndrim zyrtar pas sanksionimit të pronarit të klubit Roman Abramovich.

Si pjesë e sanksioneve kundër Abramovich, Chelsea nuk do mund të shesë më bileta për ndeshjet e futbollit, do të mbyllë dyqanin me produktet e klubit, si dhe nuk mund të blejë apo të shesë më lojtarë në merkaton e transfertave.

Megjithatë, qeveria ka konfirmuar se do të lëshojë një licencë të veçantë që do të lejojë të zhvillohen ndeshjet, si dhe pjesëmarrja e tifozëve me bileta ekzistuese.

Chelsea publikoi një deklaratë ku thotë se do të zhvillohen ndeshjet e ditës së sotme, si në ligëm e meshkujve ashtu edhe në atë të femrave.

Klubi tha se synonte të angazhohej në diskutime me qeverinë në lidhje me fushëveprimin e licencës.

Ata do të kërkojnë që të bëhen disa ndryshime në licencë në mënyrë që klubi të operojë “në mënyrën më normale të mundshme”.

“Gjithashtu do të kërkojmë për udhëzimin e qeverisë britanike mbi pasojat e këtyre masave për Fondacionin Chelsea detyrat e rëndësishme që mbart për komunitetet tona”.