Zelensky: Nuk do anëtarësohemi në NATO, aleanca është e dobët

Presidenti ukrainas, Volodymyr Zelensky është dorëzuar duke pranuar se vendi i tij nuk mund të anëtarësohet në NATO. Por ai e ka kritikuar Aleancën për mungesën e një zone ndalim-fluturimi në Ukrainë, duke theksuar se mbrojtja kolektive e bllokut nuk ka qenë kurrë më e dobët.

“Është e qartë se Ukraina nuk është pjesë e NATO-s. Ne e kuptojmë këtë. Kemi dëgjuar prej vitesh për politikën e dyerve të hapura, por kemi dëgjuar edhe që nuk do të mund të anëtarësohemi. Kjo është e vërtetë dhe e nevojshme që ta pranojmë. Jam i kënaqur që populli ynë po e kupton këtë dhe mbështetet tek vetja dhe partnerët tanë,” – u shpreh presidenti ukrainas.

Nga ana tjetër, NATO, vendet anëtare të të cilit do të mblidhen së shpejti për një samit, i druhen një preteksti të rremë nga Moska për të intensifikuar operacionet e saj.