Organizatori Tepelena tregon detaje për protestën e së shtunës për çmimet

Ditën e nesërme në orën 11:00 pritet të zhvillohet protesta e radhës për rritjen e çmimeve të produkteve.

Një nga organizatorët Andi Tepelena, në emisionin “Mirëmëngjes” në Euronews Albania iu bëri thirrje të gjithë qytetarëve që t’i bashkohen protestës.

Ai tha se do të ketë një marshim nga “Sheshi Skënderbej” për tek Kryeministria, ku më pas do të mbahen edhe fjalime.

“Është një thirrje e hapur për të gjithë, na prek xhepat tona. Ne do vazhdojmë me protestat, kemi bërë një listë kërkesash duke u konsultuar me të gjitha grupet. Kërkesat janë të qarta dhe të realizueshme”, u shpreh ai.

Z. Tepelena tha se lista e kërkesave ndaj qeverisë është e negociueshme.

“Presim që të reflektojnë qeveria shqiptare. Nëse nuk reflekton, nuk merr parasysh kërkesave ne nuk do të ndalemi”, tha ai.