Gripi i shpendëve, Elezi: Veterinerët të mbështeten si mjekët për COVID-19

Në kohën kur gripi i shpendëve ka prekur mbi 350 mijë shpendë në Shqipëri, veterinerët duhet të mbështetën si mjekët kur kishte infektime të shumta me COVID-19.

Kështu u shpreh Ymer Elezi, president i Urdhrit të Mjekut Veterinar, në emisionin Mirëmëngjes në Euronews Albania.

“Është e njëjta situatë për ta. Të përfshihen edhe veterinerët privatë”, tha ai.

Gripi i shpendëve ka prekur jo vetëm pulat, por edhe pelikanë. Për këtë, Elezi tha se lagunat janë të rrezikuara.

Elezi u bëri thirrje fermerëve që të raportojnë çdo rast, ndërsa theksoi se nuk ka rrezik që kjo sëmundje të transmetohet te njeriu.

“Në temperaturë 70 gradë ky grip eliminohet”, u shpreh ai.