Rihapet bursa ruse, rriten aksionet e kompanive të gazit dhe naftës

Bursa e Moskës rifilloi veprimet ditën e enjte, me shit-blerjen e aksioneve, një proces i ndalur pak ditë pas nisjes së operacionit special ushtarak, siç e quan Kremlini ndërhyrjen në Ukrainë.

Vlera e aksioneve u rrit teksa treguesi i bursës u rrit me 11 për qind.

Kështu, aksionet e gjigantit të gazit “Gazprom” u rritën me 20 për qind që në hapje të tregut të këmbimit, ndërsa ato të kompanive të naftës “Rosneft” dhe “Lukoil” u rritën me 19 për qind.

Ndërkohë, çmimi i naftës mbeti pezull në 121 dollarë për fuçi. Një rikuperim, ndonëse modest, përjetoi edhe rubla ruse.

LEXONI GJITHASHTU:

• Putin i kërkon Gazpromit që gazi rus të shitet në rubla
• Rubla ruse zhvlerësohet në nivel rekord