UNICEF: 4.3 milionë fëmijë ukrainas të detyruar të lënë shtëpitë

Rreth 4.3 milionë fëmijë, që janë më shumë se gjysma e popullsisë së mitur të Ukrainës, janë detyruar të braktisin shtëpitë për t’i shpëtuar agresionit rus.

Kështu thuhet në një përllogaritje të agjencisë së OKB-së për fëmijët, UNICEF, sipas të cilit rreth 2.9 milionë të mitur kanë nevojë urgjente për asistencë humanitare.

UNICEF vlerëson se më shumë se gjysma e tyre janë larguar nga vendi, duke u bërë pjesë e 3.7 milionë refugjatëve që në tërësi kanë lënë vendin në muajin e parë të luftës.

Fluksi i refugjatëve ka qenë i pandalshëm, me 2.2 milionë qytetarë ukrainas që po kërkojnë strehim në Poloninë fqinje.

Pikërisht Polonia dhe Rumania zënë vendin e dytë dhe të tretë sa i takon numrit të refugjatëve që kanë pranuar.

Edhe vende të tjera evropiane po ofrojnë ndihmën e tyre për të pritur të larguarit. Ndërkohë, në anën tjetër të Atlantikut, Shtetet e Bashkuara janë zotuar se do të pranojnë 100 mijë refugjatë ukrainas.

LEXONI GJITHASHTU:

• Pse SHBA-ja ka lejuar kaq pak refugjatë ukrainas?
• Rreth 1,000  refugjatë ukrainas strehohen në Serbi