Ivi Kaso: Ka vetëm një PD, është ajo e Rithemelimit

“Ka vetëm një Parti Demokratike dhe është PD që drejtohet nga Komisioni i Rithemelimit”. Kështu u shpreh përfaqësuesi ligjor i Komisionit të Rithemelimit Ivi Kaso pas vendimit të gjykatës për njohjen e Kuvendit Kombëtar të 11 dhjetorit.

“Vendosi që t’u kthehet demokratëve partinë tyre, selinë, siglën e marra peng. Sot PD zyrtarisht u kthehet demokrateve që nëpërmjet delegatëve të tyre që u mblodhën në Kuvendin e 11 dhjetorit dhe shprehën vullnetin e tyre për të miratuar statutin e ri logon dhe simbolet e reja. Ditë e madhe për të gjithë demokratët, është zyrtarizuar vullneti i demokratëve”, u shpreh Ivi Kaso.

Ai tha se ky vendim duhet të njihet edhe nga KQZ.

“Ka vetëm një simbol, një flamur dhe një vulë të miratuar në 11 Dhjetor. Qoftë KQZ apo organet e tjera duhet të njohin vulën dhe logon e re të Partisë Demokratike. Për aventura dhe çmendurira nuk mund të jap përgjigje. Gjykata kishte dy dosje. Kishte edhe dosjen e regjistrit historik.  Të gjitha ishin në dispozicion të gjykatës”, deklaroi Kaso.

Gjykata e Tiranës njohu sot Kuvendin Kombëtar të PD-së të mbajtur me 11 dhjetor, që u thirr nga Sali Berisha. Ndryshimet në statutin e PD-së, të vendosura në këtë Kuvend, janë legjitime sipas Gjykatës.

LEXONI GJITHASHTU:

• Gjykata njeh Kuvendin Kombëtar të Berishës